Како што неофицијално дознава српски Б92, седницата на Обединетите Нации за резолуцијата за Сребреница најверојатно ќе биде одложена за 22 мај. Веста ја пренесоа повеќе српски медиуми, но за неа нема официјална потврда.
Тоа значи дека претседателот на Србија, Александар Вучиќ, прво ќе отпатува во Котор каде во четврток ќе се одржи самитот на лидерите на Западен Балкан и на Европската Унија. На самитот ќе се разговара за Планот за раст на Западен Балкан кој вклучува 6 милијарди евра за регионот.
„Потоа, претседателот на Србија треба да отпатува во Њујорк на седница на која ќе се расправа за резолуцијата за Сребреница, доколку, повторно не се одложи“, се вели во текстот на Б92.
