Авион на Japan Airlines се запали по кратка експлозија при слетување на пистата на аеродромот Ханеда во Токио во вторникот вечерта.
На снимката на телевизијата NHK се гледа како пламенот излегува од прозорците на авионот и под него. Запалена е и пистата, пишува Би-Би-Си.
NHK, повикувајќи се на властите, соопшти дека авионот можеби се судрил со друг авион по слетувањето во Ханеда.
Сите патници на летот се евакуирани, соопштија од Japan Airlines. Во авионот имало околу 367 патници, со уште 12 членови на екипажот – што значи дека се евакуирани вкупно 379 лица, пренесува Sky News.
Јапонски ерлајнс објави дека авионот може да превезува повеќе од 300 патници.
