Инспектори од Државниот санитарен и здравствен инспекторат денеска се излезени на терен во битолската Болница и вршат вонреден инспекциски надзор поради смртта на новороденчето.
„Комисијата е излезена на терен и во тек е надзорот за утврдување на текот на лекувањето на починатото новороденче. Истовремено е формирана и Комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство. Директорот на Клиничка болница Битола, д-р Александар Обедниковски, утрово до Министерството поднесе неотповиклива оставка од морални причини“, информираше Државниот санитарен и здравствен инспекторат (ДСЗИ).
