Претендентот за рубриката „верувале или не“ доаѓа од Дербишир, Англија, бидејќи завршил во рацете на полицијата откако јавно се фалел дека возел без возачка дозвола… 50 години!
И не само што успеал да ја избегне полицијата, овој 69-годишник сите тие години ја мамел осигурителната компанија која мислела дека има валидна лиценца. Немаа поим дека тој никогаш не ја положил возачката дозвола, никогаш не се ни обидел.
„Пропустот во неговата приказна за немање возачка дозвола беше тоа што тој јавно се фалеше со неа. Со тоа неговото „владеење“ заврши, автомобилот му беше конфискуван и против него беа покренати повеќе обвиненија“, пишува полицијата на Дербишир на Твитер.
Но, тој се уште не е британски рекордер, минатата година беше уапсен 70-годишен маж кој немал возачка дозвола 50 години, но нивниот сонародник роден 1938 година и без возачка дозвола 70 години убедливо е во прво место. Тој беше фатен и минатата година и тоа беше прв пат во неговата возачка кариера да биде повлечен од полицијата.
Така се бранеше тврдејќи дека ќе одел да земе возачка доколку полицијата го фатила порано, но бидејќи не го фатила, продолжил да вози без неа.
