Еден турски колега му рекол на шведскиот министер за надворешни работи дека очекува Анкара да го ратификува шведскиот протокол за пристап во НАТО во рок од неколку недели. Турскиот парламент започна дебата за членството на Шведска во НАТО овој месец, но процесот на ратификација засега сè уште е на ниво на комисија. Во однос на Унгарија, Билстром не покажа загриженост, бидејќи е сигурен дека Будимпешта нема да ја одложи ратификацијата кога тоа го прави Турција.
Шефот на шведската дипломатија Тобијас Билстром денеска изјави дека неговиот турски колега Хакан Фидан му рекол дека очекува Анкара да го ратификува шведскиот протокол за пристапување во НАТО во рок од „неколку недели“.
Повеќе од 18 месеци по апликацијата на Шведска за членство, протоколот сè уште не е ратификуван од унгарскиот и турскиот парламент.
Имав билатерален разговор со мојот колега, шефот на турската дипломатија Хакан Фидан, при што тој ми рече дека очекува ратификација за неколку недели“, изјави шефот на шведската дипломатија на состанокот на НАТО во Брисел.
Билстром објасни дека Турција на оваа средба не поставила нови услови, па затоа е среќен што процесот е при крај, пренесува француската новинска агенција АФП.
Турскиот парламент започна дебата за членството на Шведска во НАТО овој месец, но процесот на ратификација засега сè уште е на ниво на комисија. Во однос на Унгарија, Билстром не покажа загриженост, бидејќи е сигурен дека Будимпешта нема да ја одложи ратификацијата кога тоа го прави Турција.
По децениска неутралност, Шведска поднесе барање да се приклучи на сојузот заедно со Финска минатиот мај наспроти руската агресија врз Украина. Членките на алијансата официјално ги поканија двете земји во НАТО на самитот на алијансата пред повеќе од една година во Мадрид. Финска се приклучи на алијансата во април оваа година, додека Шведска се уште чека.
