Како филмските ѕвезди кои повремено прават естетска хирургија, така и познатиот холивудски знак утре оди на подмладување.
Подигнат во 1923 година, познатиот знак поставен во Холивуд Хилс над Лос Анџелес, главниот град на филмските студија, ќе биде изведен за да се подготви за прославата на 100-тиот роденден.
Работата ќе започне утре и ќе трае осум недели, објави Холивуд Сајн Траст, фондацијата одговорна за заштита на локацијата.
По темелното чистење под притисок, ќе се префарбаат буквите високи 14 метри, за што се очекуваат приближно 1.500 литри заштитна обвивка и бела боја.
„Овој знак е гордост на Лос Анџелес и со нетрпение очекуваме да се врати за да може повторно да заблеска во својата целосна слава на задоволство на обожавателите ширум светот на прославата на стогодишнината“, рече Џеф Заринам, претседател на Hollywood Sign Trust.
