Пејачката и текстописец Коко Ли почина на 48-годишна возраст откако се обиде да си го одземе животот во текот на викендот.
Ѕвездата родена во Хонг Конг веќе неколку години се бореше со депресија, рекоа нејзините постари сестри Керол и Ненси Ли во изјава на Фејсбук и на Инстаграм.
Странските медиуми јавуваат дека нејзината состојба драстично се влошила во последните неколку месеци.
– Иако Коко побарала стручна помош и се потрудила да се избори со депресијата, за жал, тој демон во неа ја победил – се вели во соопштението на семејството.
Ли се обидела да си го одземе животот дома во текот на викендот и била пренесена во болница, изјавила нејзината сестра.
Таа била во кома пред да почине во средата.
Коко, која на помлада возраст се преселила во Америка и таму одела на училиште, имала успешна кариера во Азија како поп-пејачка во 1990-тите и 2000-тите и била позната по нејзиниот моќен глас и настапите во живо.
