Шпанија ја совлада Грузија (3:1) во последното коло од квалификациите за ЕП 2024, потврдувајќи го првото место во групата А, но се остана во сенка на тешката повреда на Гави.
19-годишната ѕвезда на Барселона мораше да ја напушти играта во 26. минута од натпреварот, куцајќи во солзи, а првите сознанија покажуваат дека ги повредил предните вкрстени лигаменти на десното колено, што значи дека ќе биде надвор до крајот на сезоната.
Ова предизвика гнев во каталонскиот клуб бидејќи останаа без важен играч, а тврдат дека немало потреба да игра против Грузија бидејќи веќе го обезбедиле првото место во групата и пласманот во европското натпреварување.
Оваа репрезентативна пауза беше кобна за неколку играчи, претходно пишувавме за тешките повреди на Камавинга, Виницис и други, но се чини дека, за жал, нема да застане тука. Повредите се се почести, а голем дел од причината за тоа е пренатрупаниот распоред на натпревари.
На ова не предупреди Гвардиола
Натпреварот се игра на секои три до четири дена, многумина предупредуваа дека ќе се случи вакво нешто, а во уши се уште ни одѕвонува предупредувањето на Пеп Гвардиола кое се прошири по тешката повреда на Иван Перишиќ, асот на хрватската фудбалска репрезентација:
„Во првата претсезона имав 25 дена да се подготвам за првиот официјален натпревар, а сега ти даваат четири, пет дена. Те тераат да одиш во Азија или САД на силни натпревари или дерби и луѓето паѓаат, ќе продолжат да паѓаат“, изјави Гвардиола.
За жал, беше само прашање на време кога вакво нешто ќе му се случи на Гави. Имено, откако дебитираше за шпанската фудбалска репрезентација, не пропушти ниту еден натпревар. Започна 23 натпревари како член на стартните единаесет, додека од клупата дојде на четири натпревари.
Барселона ќе добие богато обештетување од ФИФА за тешката повреда на својот играч, се вели дека е меѓу четири и пет милиони евра, но тоа е слаба утеха за Чави кој остана без важен играч.
