Градоначалничката на Скопје Данела Арсовска на вчерашните парламентарни избори освои само 1.571 од вкупно 279.593 граѓани во главниот град кои гласале за нејзината партија.
Арсовска, која е и претседателска на партијата Нова Алтернатива на изборите освои вкупно 3.438 гласови односно 0,34 %.
Во изборната единица 1, односно во Скопје бројот на гласачи е 279.593, а партијата на Арсовска освои само 1.571 глас. Со гласовите кои ги освои Арсовска не влезе во Собранието. Во двојката, каде влегуваат и скопските општини Ѓорче Петров и Сарај, а носител беше нејзиниот најблизок соработник Драги Митковски, партијата доби 1.109 гласови.
Нова Алтернатива имаше листи и во третата и во четвртата Изборна единица каде освои 410 гласови односно 348 гласови, соодветно. Според резултатите од Државната изборна комисија (ДИК) по преброени 99,60% отсто од гласовите за парламентарните избори, ВМРО-ДПМНЕ има освоено 58 пратенички места, коалицијата на ДУИ 19 пратеници, СДСМ има 18, ВЛЕН 13, Левица 6 и ЗНАМ 6 пратеници. Арсовска во јануари годинава беше промовирана како нова претседателка на Нова Алтернатива и тогаш најави дека ќе настапат со свои листи на парламентарните избори.
Актуелната градоначалничка на главниот град по помалку од година после изборите се скара со ВМРО-ДПМНЕ со тврдење дека има легитимитет да биде градоначалничка на Скопје бидејќи голем дел од гласовите на изборите ги добила токму таа, а не партијата, но вчерашните резултати од ДИК покажаа нешто сосема поинаку.
Од останатите мали партии состојбата според последните резултати на ДИК е следна:
Коалицијата Храбро за Македонија ГРОМ освои 4.543 односно 0,46 %
Единствена Македонија 1.680 гласови или 0,17 %
Политичката партија Нова Алтернатива Скопје 3.438 гласови или 0,34 %
Политичка партија Аваја 2.909 гласови или 0,29 %
Европско граѓанско движење 241 глас или 0,02 %
Македонската ера трета – Суверенисти 959 гласови или 0,10 %
Твоја партија 1.738 или 0,17 %
Родина Македонија 1.092 или 0,11 %
Политичката партија Десна 527 или 0,05 %
Политичка партија Демократи Скопје 904 или 0,09 %
И Работничка партија 437 или 0,04 %.
