Ќе преземеме соодветни мерки, односно ќе ги разрешиме или казниме директорите доколку под нивно влијание се формирале платите, рече министерот за здравство Беким Сали во одговор на новинарско прашање денеска при посетата на вакциналниот пункт во амбулантата Пролет.
Тој појасни дека сè уште се чека Фондот за здравствено осигурување да направи увид и да го достави финалниот извештај, не само за Детската Клиника, туку и за четири други.
– Формирањето на платата на еден вработен врз основа на Колективниот договор е врз основа на повеќе индикатори. Дали е тоа пракса и во изминатиот период или само во делот на анализираниот период ќе видиме со дополнителни анализи – додаде Сали.
