Водичите во туристичкиот центар Везув успеале да извлечат американски турист кој паднал во кратерот додека се обидувал да си го извади паднатиот телефон, пренесува АП.
Медиумите јавуваат дека група туристи скршнале од дозволената патека за да се доближат до кратерот и да направат селфи, а еден од нив се лизнал и паднал во кратерот.
Шефот на туристичката асоцијација, Паоло Капели, рече дека четворица водичи веднаш одговориле на повикот дека туристот е во „сериозни тешкотии“.
Капели рече дека водичите спуштиле јаже долго 15 метри во кратерот, го извлекле туристот и му пружиле прва помош, бидејќи се здобил со гребаници на нозете, раката и грбот.
Везув, кој во 79 година од нашата ера го уништи блискиот град Помпеја во силна ерупција, е многу популарно место за пешачење.
