„За прв пат по кубанската ракетна криза, се соочуваме со директна закана од употреба на нуклеарно оружје“, рече Бајден минатата недела.
Заканата од нуклеарен армагедон, која Путин интензивно ја засилува во последните месеци, се кристализира во практичната политика на американската влада, која неодамна најави купување на јод – во огромни количини, пишува Јутарњи лист.
Јодот, всушност, се користи во итни случаи за да се ублажат симптомите на радијација при нуклеарен напад. Администрацијата на Бајден многу сериозно ги сфаќа заканите на Путин, па Министерството за здравство објави дека ќе потроши 290 милиони долари и за лек против радијација наречен Nplate, кој планираат да го додадат во залихите за „нуклеарни итни случаи“.
Nplate, исто така познат како romiplostim, се користи како третман за оние кои се акутно изложени на зрачење. Овој потег на најсилната светска сила е доволна причина за тревога. Во август, генералниот секретар на ОН, Антонио Гутереш, исто така испрати застрашувачко предупредување дека светот е „една погрешна пресметка“ подалеку од општо нуклеарно уништување. Претставници на американското Министерство за здравство изјавија за Ројтерс дека купувањето на Nplate е дел од тековните напори да се подготви земјата за широк спектар на закани, вклучително и можен нуклеарен напад.
„За прв пат по кубанската ракетна криза, се соочуваме со директна закана од употреба на нуклеарно оружје“, рече Бајден минатата недела. Сето ова укажува на фактот дека започна јасна кампања за испраќање пораки за да се информира американската јавност за потенцијалната опасност од нуклеарен напад, како и што да се прави во случај на најлошото сценарио.
Во септември во американските возови и станиците на подземната железница почнаа да се појавуваат плакати со објаснување на граѓаните што да прават во случај на „вонредна состојба со зрачење“. На граѓаните им се укажува во случај на напад да се засолнат во подрум, да не излегуваат кога ќе бидат известени, туку да бидат информирани преку радио, ТВ, компјутер или мобилен уред. „Многу оптимистично!“, иронично рече еден корисник на Твитер.
Ова се стандардни упатства за оперативни процедури и неодамна беа овековечени кога Управата за итни случаи во Њујорк објави јавен оглас на истата тема. Според информациите пронајдени на плакатите во американските метро, оваа конкретна порака е издадена од Одделот за домашна безбедност. Додека на светот му се заканува нуклеарен напад, практичната политика на администрацијата на Бајден не е особено утешна.
Аналитичарите тврдат дека заканите на Путин се дел од стратегијата за војна од страв, чија крајна цел е да го одврати Западот да и помогне на Украина.
