Руското одморалиште Сочи во последните два дена го зафатија обилни дождови, а една жена во невремето го загуби животот.
Поплавени се патиштата и приземјата на многу куќи, а оштетени се и повеќе од 50 автомобили, изјави градоначалникот Алексеј Копајгородски.
Плажите се затворени за капење, пренесува РИА Новости. Во Сочи во петокот навечер за само два часа наврнаа речиси 90 милиметри дожд, а синоќа за еден час повеќе од 50 милиметри.
Во познатото летувалиште сѐ уште е на сила предупредувањето за невреме, а метеоролозите прогнозираат нови врнежи од дожд, град и излевање на реки.
