Руското Министерство за одбрана соопшти дека украинските сили синоќа се обиделе да го нападнат Крим со ракета С-200 која била соборена од рускиот систем за противвоздушна одбрана.
„Ноќта на 19 август, режимот на Киев се обиде да изврши терористички напад со противвоздушна ракета на системот за воздушна одбрана С-200 модифицирана за да може да се користи за напад на територијата на Крим“, соопшти руското Министерство. .
Во соопштението се наведува дека украинската ракета е „откриена и соборена навреме“ и дека нема жртви или штети, пренесува ТАСС.
Руското Министерство за одбрана потсети дека Украина двапати се обидела со сличен напад на 12 август.
Руската новинска агенција ТАСС објави и дека рускиот претседател Владимир Путин утринава одржал состанок во командниот штаб на руските вооружени сили во градот Ростов на Дон.
„Претседателот (на Русија) ги слушаше извештаите на началникот на Генералштабот на руските вооружени сили Валериј Герасимов, команданти на некои области и други високи офицери на групата“, соопшти Кремљ.
