Руските сили и сепаратистичката милиција тргнаа во офанзива на градот Лисичанск, а украинската војска на тоа подрачје трпи големи загуби, објави руското Министерство за одбрана.
„Вооружените сили на Руската Федерација ја продолжуваат својата успешна офанзива во подрачјето на Лисичанск. За време на изминатите три дена ги зазедовме рафинеријата за нафта Лисичанск, рудникот Матроскаја, фабриката за желатин и населбата Тополевка. Сојузничките сили тргнаа директно во Лисичанск“, се наведува во соопштението.
Според руското Министерство, само во селото Верхнекаменка „непријателот изгуби над 120 луѓе за еден ден, а во областа – седумдесет“.
