Најтиражниот руски независен весник „Новаја газета“, чиј главен уредник Дмитри Муратов минатата година беше награден со Нобеловата награда за мир, денеска објави дека го суспендира објавувањето до крајот на „воената акција“ на Москва во Украина.
„Добивме уште едно предупредување од Роскомнадзор“, пишува весникот, повикувајќи се на рускиот медиумски регулатор. Трето предупредување би значело одземање на лиценцата на весникот, пренесува Москва Тајмс.
„Го суспендираме објавувањето на весникот на нашата веб-страница, на социјалните мрежи и во печатените медиуми до крајот на ‘специјалната операција во Украина’“.
