Руското Министерство за одбрана соопшти дека руски борбен авион Су-35 полетал и се упатил над Балтичкото Море во понеделникот откако два американски стратешки бомбардери Б-52 полетале во правец на руската граница, но дека се вратил во базата откако тие се оддалечиле, пренесува Ројтерс.
Инцидентот се случил четири дена по падот на американскиот дрон во Црното Море кој исто така беше пресретнат од руски авиони „Сухој“.
„На 20 март, радарските објекти на силите за противвоздушна одбрана на Западната воена област на должност над Балтичкото Море открија две воздушни цели кои летаат во правец на државната граница на Руската Федерација“, соопшти Министерството на апликацијата за пораки Телеграм.
„Не е дозволено прекршување на државната граница на Руската Федерација“, се додава во написот.
Бомбардерите Б-52 се способни да носат и нуклеарно оружје.
