Украински хакери му го „честитаа“ роденденот на рускиот лидер Владимир Путин со тоа што извршија голем напад врз серуската државна телевизија и радио радиодифузна компанија, јави извор за Ројтерс, барајќи да остане анонимен.
Рускиот опозициски медиум Газета цитира неименуван извор кој вели дека сајбер нападот бил насочен и кон онлајн и внатрешните сервиси на ВГТРК, која исто така поседува и управува со радио станици и многу регионални ТВ канали.
– Онлајн емитувањето и внатрешните услуги се во прекин, па дури и интернетот и телефонијата не работат. Ќе треба долго време да се поправат. Слушнав дека (хакерите) избришале сè од серверите, вклучително и резервните копии. Тие работат во заклучување од шест часот наутро – изјави изворот за Газета.
Нападот се совпаѓа со 7 октомври, роденденот на Путин.
– Нашиот државен медиумски холдинг, еден од најголемите, се соочи со невиден хакерски напад врз неговата дигитална инфраструктура – изјави за новинарите портпаролот на Кремљ, Дмитриј Песков, велејќи дека ВГТРК работи на надминување на проблемите.
Говорејќи во Москва, портпаролката на руското Министерство за надворешни работи Марија Захарова не кажа кој стои зад нападот, но им рече на новинарите дека руските медиуми одамна станале мета на, како што таа го нарече „колективниот Запад“ и рече дека тоа што се случило е дел на „хибридна војна“.
– Москва ќе го спомне овој сајбер напад на сите меѓународни форуми, вклучително и во УНЕСКО, агенцијата на Обединетите Нации која ја промовира слободата на говорот – рече Захарова.
На екранот на ВГРТК може да се прочита следната порака:
„Услугата 503 е недостапна. Нема достапен сервер за да се справи со ова барање“.
