Портпаролот на Кремљ, Дмитриј Песков, рече дека во делегацијата има воени претставници и дипломати. „Руската делегација е подготвена за разговори, а ние сега ги чекаме Украинците“, рече Песков.
Сепак, украинскиот претседател Володимир Зеленски ја отфрли таквата можност.
Во видео порака објавена на Фејсбук, тој рече дека Украина не може да преговара во Белорусија, земја која се користи за напад на Украина.
„Искрено сакам Белорусија да стане добра и сигурна како што им изгледаше на сите не толку одамна. Вистинскиот избор е главниот избор во вашиот живот“, вели Зеленски во новото видео.
Русите ја нападнаа Украина во четвртокот, а нејзините војници се приближуваат до главниот град Киев, а исто така напредуваат долж брегот на земјата.
Украински официјален претставник изјави дека улични борби избувнале во вториот по големина град во Украина, Харков, во неделата, по бранот напади на други места насочени кон аеродроми и погони за гориво, кои се чини дека ја означуваат новата фаза од инвазијата, според АП.
