Руското Министерство за одбрана тврди дека руските сили во Мариупол опколиле 400 странски платеници кои се борат на украинска страна, пренесува агенцијата РИА Новости.
– Вкупно, според информациите што ги добивме од украинските војници кои се предадоа, на територија на фабриката „Азовстал“ во моментот се опколени до 400 странски платеници – изјави генерал Игор Конашенков, портпарол на руското Министерство за одбрана.
Најголем дел од нив се државјани на европските земји и на Канада, рече рускиот генерал и додаде дека платениците, според меѓународното хуманитарно право, немаат заштитен статус.
– Сега, во најдобар случај ги чека долга затворска казна – порача Конашенков.
– И претходно известивме дека разговорите меѓу милитанто во Мариупол се водат на шест странски јазици. Во случај на натамошен отпор, сите ќе бидат уништени – заклучи рускиот генерал.
