Руските маринци и падобранци поддржани од севернокорејските трупи брзаат да ги истераат Украинците од градот Суџа во Курск пред новоизбраниот американски претседател Доналд Трамп да стапне во Белата куќа на 20 јануари.
Русија е подготвена да претрпи големи загуби за да го врати регионот Курск со површина од 650 квадратни километри пред да стапи какво било примирје на фронтот.
Руските сили два дена по ред доживуваат рекордни загуби. Тие во понеделникот го претрпеа најсмртоносниот ден од почетокот на инвазијата на Украина, објави Киев Индепендент.
Според Генералштабот на вооружените сили на Украина, московските војници вчера загубиле 1.950 луѓе, надминувајќи го претходниот рекорд од 1.770 луѓе само еден ден претходно.
Вкупниот број на руски загуби во војната сега изнесува 712.610, според медиумот.
Украински оператор со беспилотни летала за „Форбс“ раскажа дел од случувањата. Дувајќи чад за да ги покријат нивните маневри, руските падобранци од 51. воздушно-десантен полк и маринци од 155. морска пешадиска бригада извршија фронтален напад на украинските линии.
Изворот тврди дека изброил 18 руски оклопни транспортери натоварени со војници и борбени возила на пешадија, како и пет тенкови Т-72, Т-80 и Т-90. Тие биле организирани во три групи.
Украински беспилотни летала и тенкови се соочија со рускиот напад. Русите зад себе оставиле 15 борбени и оклопни возила и три тенкови.
– Имаме голема среќа што тие вршат многу самоубиствени напади – вели изворот.
Русите неодамна заробија и егзекутираа шест украински војници долж линиите на фронтот во Курск, проширувајќи ја низата брутални убиства на затвореници главно од 155-та поморска пешадиска бригада.
Доколку информациите на изворот се точни, полк од елитната руската 76-та воздухопловна дивизија, исто така, може да е на пат кон Курск.
Делови од три моќни украински бригади ја држат линијата долж левото крило на напредниот фронт на Курск. Украинците кубурат со персонал. Од другата страна се 50.000 руски војници, меѓу кои околу 10.000 Севернокорејци.
