Најмалку 23 лица загинаа, а 28 се ранети во руски ракетен напад врз конвој возила со цивили во близина на јужниот украински град Запорожје, соопшти регионалниот гувернер.
Сведок на Ројтерс видел 12 тела, од кои четири во автомобили, и рече дека проектилот направил кратер во земјата во близина на два реда возила на автосалонот.
„Досега 23 загинати и 28 ранети. Сите цивили“, напиша Олександр Старук, регионален гувернер на Запорожје на Телеграм, апликација за пораки.
Возилата биле полни со патници, ќебиња и куфери. Телото на лицето се навалило од возачкото кон совозачкото седиште во жолтиот автомобил, а неговата лева рака сè уште го држи воланот.
Русија, која ја нападна Украина на 24 февруари во, како што ја нарекува, специјална воена операција, негира дека намерно гаѓала цивили, иако нејзините напади опустошија украински села и градови.
