Русија во средата навечер со беспилотни летала нападна клучна област за извоз на жито јужно од украинскиот регион Одеса и реката Дунав, предизвикувајќи пожари во магацини, соопштија украинската војска и локалните власти и тврдат дека уништиле 11 руски беспилотни летала.
„Непријателот погоди складишта за жито и комплекс за производство и претовар во Дунав. Пожарот избувнал во магацините и брзо бил локализиран. Пожарникарите продолжуваат да работат“, објави украинската армија на Телеграм.
Армијата објави фотографии од запалено жито и тешко оштетен магацин.
„За жал, (…) пожарот избувна во производствено-претоварниот комплекс. Штетата вклучува и магацини“, рече гувернерот на регионот на Одеса, Олех Кипер на Telegram.
Нападот траеше три часа, рече тој.
Воздухопловните сили на Украина соопштија дека собориле 11 од 20 дронови лансирани од Русија во текот на ноќта во средата.
Една четвртина од вкупното количество жито беше извезено преку украинските пристаништа на Дунав пред Русија еднострано да се повлече од договорот поддржан од ОН за безбеден извоз на жито во јули.
Оттогаш, пристаништата на Дунав станаа главна рута за извоз на украинско жито.
Цената на житото на светскиот пазар порасна претходно во август кога Русија го нападна Измаил, главното украинско пристаниште на Дунав во близина на границата со Романија, и пристаништето Рени.
