Легендарниот португалски фудбалер Кристијано Роналдо последните денови од својата голема кариера ги минува во тимот на Ал Насра кој се натпреварува во националната лига на Саудиска Арабија.
Освен атрактивниот финансиски аспект, заминувањето на Роналдо на Блискиот Исток му даде можност да биде еден од главните промотори на фудбалот во тој дел од светот.
Поранешниот ас на Спортинг, Манчестер Јунајтед, Реал Мадрид и Јувентус е свесен дека со 38 години не игра во најсилното светско натпреварување, но има позитивни коментари за саудискиот фудбал.
„Саудиска Арабија има многу конкурентна лига. Не е како Премиер лигата, нема да лажам, но морам да кажам дека ова првенство позитивно ме изненади“, изјави петкратниот освојувач на „Златната топка“.
Од доаѓањето на Арапскиот Полуостров, Роналдо одигра десет официјални натпревари и постигна 11 голови.
„За пет, шест или седум години, кој и да продолжи со сегашниот план, Саудиска Арабија ќе ја има четвртата или петтата најдобра национална лига во светот“, рече Роналдо.
Го допре и неговиот лош период.
„Немам проблем да кажам дека имав лоша фаза во кариерата, но немам време ниту да жалам. Животот продолжува без разлика дали ви оди добро или лошо и сето тоа е дел од растењето. Кога сме на врвот на планина, често не гледаме што има долу. Никогаш не сум го доживеал тоа што го доживеав во последните неколку месеци. Сега сум подобар човек“.
