Познат е по острите влакна кои растат на стеблото и листовите, а во служба на здравјето може да се користи како сув лист, да се суши на замрзнување или да се извлече во таблети, сокови и чаеви.
Современата наука пронашла бројни докази кои ги поткрепуваат древните верувања за лековитото дејство на копривата, како богат извор на антиоксиданси кои го намалуваат бројот на слободните радикали во нашиот организам, пишува Ordinacija.hr.
Здравствени придобивки
Покрај тоа што се добар извор на калциум и други минерали кои можат да помогнат во намалување на ризикот од бубрежни заболувања, остеопороза и многу други сериозни состојби, листовите од коприва се и добар извор на линоленска киселина, кверцетин, железо, магнезиум и калиум. Витаминот Ц го поддржува имунолошкиот систем и не штити од разни видови на рак, а витаминот А е неопходен за здравјето на очите. Покрај тоа, копривата е наш моќен сојузник и во многу други здравствени состојби.
Олеснување на артритис
Откриено е дека листот од коприва е корисен за намалување на воспалението и болките во зглобовите. Во една студија, 27 луѓе со артритична болка во прстот нашле олеснување со нанесување на листови од коприва на погодената област секој ден во текот на една недела.
Регулирање на шеќерот во крвта
Листот од коприва содржи соединение наречено UD-1 кое делува слично на инсулинот во телото. Иако се потребни повеќе истражувања, научниците веруваат дека копривата може да помогне во контролата на шеќерот во крвта кај луѓето со дијабетес.
Подобрување на здравјето на респираторниот систем
Копривата одамна е омилена во народната медицина поради нејзината улога во борбата против сезонските алергии и други благи респираторни заболувања. Студијата на 98 учесници кои го користеле замрзнатото сушено лист за нивните алергии навистина откри значајни придобивки од употребата на коприва.
Здравјето на простатата
Листот од коприва може да биде ефикасен третман за одредени состојби на простатата, како што се бенигна хиперплазија на простатата, отекување на простатата. Иако се потребни повеќе истражувања во оваа област, клиничкото испитување на 287 луѓе со БПХ покажа значително намалување на големината на нивната зголемена простата откако биле третирани со лист од коприва.
Ревитализација на косата и скалпот
Имено, копривата е еден од најстарите регистрирани лекови за лекување и спречување на опаѓање на косата. Ова првенствено се должи на големата количина на сулфур и силициум диоксид во копривата, кои го подобруваат здравјето на косата преку зајакнување на скалпот. Редовната употреба на шампон од коприва може да го поттикне повторното растење на косата и да го намали опаѓањето на косата.
Третман на проблеми со кожата
Копривата има природни адстрингентни својства и адстрингентите се одлични за лекување на кожни проблеми како што се мрсна кожа, сува, чешање и воспалена кожа предизвикана од каснувања од инсекти, сипаници, па дури и егзема.
Следете N1 преку апликации за Android | iPhone/iPad и социјалните медиуми
