Шпанскиот медиум Радио Марка носи изненадувачки вести.
Во јануари, кралевите сепак би можеле да се засилат. Според Радио Марка, напаѓачот на турскиот Галатасарај, Мауро Икарди е блиску до доаѓање во Мадрид.
Тој и претходно беше поврзуван со Реал, но тогаш клубот демантираше. Но, сега договорот може да се постигне.
Наводно, Икарди ќе им се приклучи на кралевите во јануари на договор според кој ќе заработи околу 8 милиони евра со дополнителни бонуси.
Икарди оваа сезона во турскиот шампионат постигна 12 гола и забележа пет асистенции. Во Лигата на шампионите постигна гол против Манчестер Јунајтед, како и против Баерн, иако Галата беше елиминирана во групната фаза, но напролет ќе продолжи во Лигата на Европа како третопласирана. Трансфермаркт го процени Аргентинецот на 20 милиони евра.
