Едно лице со прострелна рана е пренесено во болница откако во 02.12 часот по полноќ во СВР Скопје, од приватна болница во Скопје било пријавено дека кај нив со повреда од огнено оружје бил донесен В.А.(40) од Скопје, информира МВР.
Како што информираат оттаму, по преземени мерки било утврдено дека на улицата Крсте Асенов во скопската населба Чаир едно лице од пиштол пукало кон В.А., а на местото биле пронајдени две чаури.
Се преземаат мерки за расчистување на настанот, информираат од полицијата.
