Шпанскиот фудбалер Серхио Рамос не планира наскоро да го напушти Пари Сен-Жермен.
Според „RMC Sport“, поранешниот играч на Реал е разочаран од пропуштањето на поголемиот дел од натпреварите на тимот поради повреди и знае дека не ги оправда очекувањата. Според неговите блиски, фудбалерот сака да докаже дека сé уште е способен да освојува трофеи, па затоа сака да остане во тимот.
Забележано е дека лидерските квалитети и трудољубивоста на Рамос се високо ценети од партнерите и стручниот штаб. ПСЖ ќе разговара со Серхио за неговото здравје и ќе се обиде да најде решение кое им одговара на двете страни.
Договорот на 36-годишниот дефанзивец со парижаните е со важност до крајот на следната сезона.
