Од преголема количина кокаин починало 20-годишното момче од Радовиш, кај кое полицијата пред два дена пронашла марихуана по извршен претрес во неговиот дом, објави Фокус.
Според информациите на порталот, момчето го проголтало кокаинот за да го скрие од полицијата, а обдукцијата на телото треба да покаже за колкава количина станува збор.
Додека траело апсењето на момчето, му се слошило и било однесено во штипската болница, но веќе било доцна. Неговите витални функции престанале, а не помогнале ниту обидите за реанимација.
