Рускиот претседател Владимир Путин унапреди висок затворски функционер неколку дена по смртта на водечкиот опозиционер Алексеј Навални, пренесува ДПА.
Заменик-шефот на Федералната управа на затворите (ФСИН) Валериј Бојаринев е унапреден во генерал-полковник на Министерството за внатрешни работи.
Директорот на Антикорупциската фондација, основана од Алексеј Навални, во вторникот на својот канал Телеграм напиша дека Бојаринев е лично одговорен за тортурата на Навални во затвор.
– Ова мора да се сфати како отворена награда на Путин за тортура – рече Иван Жданов за унапредувањето на Бојарињев.
Во јули 2023 година, наредбата на Бојаринев да ја ограничи можноста на опозицискиот политичар да купува храна и средства за задоволување на секојдневни потреби стана позната за време на судското рочиште против Навални.
Затворениците вообичаено можат да ги користат своите пари за да ги надополнат своите скудни оброци во затворската продавница.
Според Жданов, новоименуваниот генерал-полковник е одговорен и за други малтретирање на Навални.
Унапредувањето на Бојаринев стана познато во понеделникот кога претседателскиот указ беше објавен во правната база на податоци. Покрај Бојаринев, во чин генерал беа унапредени уште тројца полицајци.
Портпаролот на Кремљ, Дмитриј Песков, негираше каква било поврзаност помеѓу смртта на Навални и унапредувањето, објаснувајќи го тоа како нормална процедура.
Навални почина во петокот во сибирски затвор. Ослабен поради постојаното задржување во самица, Навални наводно колабирал за време на обиколката на замрзнатиот затворски двор и починал и покрај обидите за реанимација.
