Пред да замине за Пекинг, Путин го потпиша указот за назначување на новиот министер за одбрана Андреј Белоусов. Со назначувањето на Белоусов за министер за одбрана, Путин прекрши неколку досегашни непишани, но затоа многу постојани правила.
Белоусов е роден московјанин. Путин досега избегнуваше да назначува московјани на толку важни позиции.
Второ, Белоусов нема никаква врска со војската, не отслужил ни воен рок. Досега министрите за одбрана доаѓаа од воениот или безбедносниот систем.
65-годишниот Андреј Белоусов е економски експерт. Уште во 2013 година беше назначен за советник на Путин за економски прашања. На функцијата министер за одбрана дојде од позицијата прв вицепремиер.
