Русија не планира да прогласи вонредна состојба на територијата на Русија, објави денеска рускиот претседател Владимир Путин како одговор на гласините за тоа поради конфликтот во Украина.
На состанокот со стјуардесите кои работат за Аерофлот, прикажан на националната телевизија, рускиот претседател рече дека овој чекор ќе биде преземен само во „случаи на надворешна агресија, во дефинирани области на воени активности“.
Но, ние немаме таква ситуација и се надевам дека нема да ја имаме“, рече Путин, цитиран од Би-Би-Си.
Имаше гласини дека Путин планира да прогласи вонредна состојба – кога нормалните граѓански права се суспендирани или војската ќе ја преземе контролата врз функциите на владата.
Тој рече дека има и други специјални итни случаи кои може да се користат во случај на „надворешна закана од големи размери“ – но дека нема планови за нивно воведување.
