Прво задолжување на државата од речиси 48 милиони евра на домашен пазар по формирањето на новата влада. Денеска на Македонска берза излегуваат нови државни обврзници со рок на враќање од 15 години. Министерството за финансии ја издало пред една недела.
Вчера, на прес-конференција за претставување на ребалансираниот буџет министерката за финансии најави дека дел од дефицитот на буџетот кој со ребалансот се искачи на 720 милиони евра ќе биде финансиран со задолжување на домашниот пазар.
