Сергеј Шојгу, поранешниот министер за одбрана на Русија, на чие место претседателот Владимир Путин го назначи економистот Андреј Белоусов, во првата јавна изјава по смената зборуваше за напредувањето на руската армија во Украина
Скај њуз пренесува дека Шојгу рекол дека руската армија „напредува во сите правци“ во Украина.
Британската телевизија наведува дека изјавата на Шојгу е во спротивност со вчерашната најава на властите во Киев дека руските сили се „делумно потиснати“ од позициите во близина на Вовчанск, град во регионот Харков кој трпи напади од североисточниот правец на границата со Русија.
Скај њуз објави дека Шојгу, кој сега ќе биде секретар во Советот за безбедност на Руската Федерација, бил настрана за време на неодамнешните промени во руската влада нарачани од шефот на државата Путин, но дека тој заедно со шефот на Кремљ отпатува во посета на Кина.
