Тренерот на Интер, Симоне Инзаги, ги знае причините за поразот од Баерн (0:2) синоќа во натпреварот од 1. коло од групната фаза на Лигата на шампионите.
– Во првите 20 минути против моќен, извонреден тим, еден од најсилните во Европа, загубивме многу дуели. Кога го примивме првиот гол ни стана јасно дека треба тимски да одиграме подобро. Организиравме многу потенцијални можности за гол, но, за жал, последното додавање не ни одеше. Го зголемивме притисокот во вториот дел и имавме можност да ја продолжиме борбата. Јасно е дека против вакви противници натпреварот мора да се игра перфектно – ни се спротивстави тим од највисоко ниво, еден од најдобрите три во Европа – истакна Инзаги.
Во 2. коло од групната фаза на Лигата на шампионите, на 13 септември, Баерн ќе се сретне со Барселона, а Интер ќе игра против Викторија Плзењ.
