Албанците славеа и го запалија знамето на Србија, па им се заканија на фудбалерите на Србија!
Група навивачи од Албанија го запалија знамето на Србија на плоштадот Скендербег во Тирана, додека го славеа пласманот на својата фудбалска репрезентација на ЕП 2024 во Германија. Репрезентацијата на Албанија ја заврши квалификациската група на првото место по синоќешното реми со Фарски Острови (0:0), а потоа почна славјето.
На Плоштадот ечи музиката додека навивачите се радуваа поради големиот успех на фудбалската репрезентација, но прославата во еден момент излегува од контрола и дел од навивачите го палат српското знаме.
Навивачите го објавија видеото на социјалните мрежи и јавно им се заканија на српските фудбалери со кои можат да играат на претстојното Европско првенство.
Инаку, Србија и Албанија можат да играат во групната фаза на ЕУРО2024, бидејќи за ждрепката со која ќе бидат одредени групите за ЕП, Албанија е вториот, а Србија во четвртиот „шешир“.
