Времето денеска ќе биде променливо облачно и потопло со повремени врнежи од дожд, попладне со услови за појава на грмежи. Ќе дува слаб до умерен, долж Повардарието засилен ветер од југоисточен правец.
Температурата ќе достигне до 22 степена.
Во Скопје променливо облачно со повремени врнежи од дожд и со умерен до засилен југоисточен ветер.
Температурата ќе достигне до 21 степен.
Следува период на променливо облачно и потопло време со повремени врнежи од дожд. Во попладневните часови ќе биде нестабилно со појава на локален пороен дожд, грмежи и засилен ветер. Во вторник процесите ќе бидат поинтензивни и во форма на невреме, проследени со пороен дожд и силен ветер, а потоа нестабилноста ќе се намали.
