Врховнот судија Наќе Георгиев кој е во притвор во Шутка поради мито од 10.000 евра и се сомничи дека посредувал во друг предмет за поранешниот градоначалник Боро Стојчев има само едно посебно барање: колегите судии да поседат еден месец во притвор пред некому да му дадат продолжување на мерката притвор.
Директорот на затворот „Скопје“ во Шуто Оризари Бобан Утковски вчера гостуваше во емисијата „За или против“ и рече дека судијата Георгиев нема некои посебни барања или услови и дека е во ќелија со уште двајца притвореници.
Сепак има едно барање кое не е во надлежност на затворската управа, посочи Утковски.
– Се жали дека не ги читаат предметите, туку дека по автоматизам му го продолжуваат притворот. Како препорака од него е идните колеги да поседат еден месец внатре и пред да дадат продолжување мерка притвор да видат дека не се дава тукутака – откри Уктовски што му кажал Георгиев.
