Принцот Вилијам се качи на тн. „змејов чамец“ во Сингапур пред почетокот на овогодинешната свеченост на доделувањето на „Ертшот“ наградите, која промовира изнаоѓање решенија за еколошките закани на планетата.
Облечен во елек за спасување и црна капа, принцот од Велс седеше во долг, тесен чамец додека веслаше со спортистите од екипата „Британски змејови“ на реката Каланг. Веслајќи во парови, Вилијам и другите 19 веслачи енергично го движеа чамецот со постојаниот ритам на тапанар кој стои на носот на чамецот. Чамецот во кој веслаше принцот Вилијам победи на кратка трка со другиот чамец, чиј капетан беше британскиот висок комесар Кара Овен.
Трките со „змејови чамци“ потекнуваат од Кина и имаат историја од речиси 2.000 години и тоа е меѓународен спорт од 1976 година.
Принцот Вилијам (41) синоќа пристигна во Сингапур за овогодишните „Ертшот“ награди, што првпат се одржуваат во Азија.
