Принцот Вилијам му оддаде почит на својот татко, кралот Чарлс III, ден по неговото крунисување, велејќи дека кралицата Елизабета Втора ќе биде „горда мајка“.
Како што јави Би-Би-Си, во обраќањето до публиката во замокот Виндзор на концертот за крунисување, принцот од Велс рекол дека неговата баба „беше таму горе и нè чуваше сите нас“.
„Тато, сите сме горди на тебе“, му рекол престолонаследникот на кралот Чарлс.
Тој се заколна дека ќе им служи на сите – кралот, државата и комонвелтот.
На концертот организиран по повод крунисувањето присуствуваше поголем дел од кралското семејство. Покрај кралот Чарлс и кралицата Камила, тука беа и принцезата од Велс, принцот Џорџ, принцезата Шарлот, војводата и војвотката од Единбург и многу други.
Публиката, која беше околу 20.000, билети за овој концерт доби со јавно гласање. Меѓу другите настапија и Кети Пери и Take That.