Принцот Хари наводно го опцул својот татко, кралот Чарлс Трети во текот на жестока расправија за пари, пишува во новата книга за кралското семејство наречена „Наш крал“ од новинарот Роберт Џобсон.
Откако ги загубил нервите кога неговите барања за пари не биле исполнети, во книгата се тврди дека принцот Хари ги искажал сите свои фрустрации во жесток телефонски повик.
Се вели дека книгата носи друга страна на конфликтот помеѓу Хари и неговото семејство.
Принцот Хари повеќепати ја презентираше својата страна на приказната – во интервјуто со Опра Винфри, во документарниот филм на „Нетфликс“ и во мемоарите „Резерва“, а од новата книга може да се заклучи дека Хари не ги споделил сите детали со јавноста .
Кралот Чарлс, наводно, ги одбил барањата на Хари за пари и му рекол на својот син дека тој не е банка и дека не може да го финансира неговиот живот откако се повлече од кралските должности.
Чарлс престанал да се јавува на телефон по расправијата.
