Прескокнувањето на вечерата е навика на многу луѓе кои сакаат да ги изгубат несаканите килограми. Ако мислите дека ова ќе ви помогне, се покажало дека прескокнувањето на вечерата е поштетно за вашето тело отколку што мислите. Според диететичарот Лиза Московиц, прескокнувањето на вечерата може да има негативно влијание врз вашиот сон и целокупното здравје.
„Без разлика дали се прави намерно или не, редовното прескокнување на вечерата може да има спротивни резултати и да доведе до лош квалитет на сон што ќе предизвика безброј здравствени проблеми со текот на времето“, изјави таа за Eat This.
Московиц сугерира дека телото го пропушта внесувањето на есенцијални материи без вечера и се поттикнува штетен недостаток на калории.
„Благ калориски дефицит е една работа, но ако е премногу екстремен, гладот може да ве разбуди ноќе или да го отежне опуштањето што ќе ви овозможи да постигнете длабок сон“, додава Московиц.
Покрај тоа, за производство на хормони кои го регулираат сонот – серотонин и мелатонин, потребна ни е соодветна исхрана.
Според Nutrients Journal, недостатокот на хранливи материи предизвикува недоволен сон, како и нарушувања на спиењето. Поточно, недостатокот на витамин Д е поврзан со поголем ризик од нарушувања на спиењето.
Московиц вели и дека недоволната храна ќе влијае на расположението, енергијата, имунитетот и метаболизмот.
Според Sleep Foundation, спиењето е неопходна и суштинска функција која им овозможува на телото и умот да бидат исполнети со енергија. Правилниот сон, исто така, му помага на телото да остане здраво и помалку да се разболува. Мозокот не може да функционира правилно без соодветна количина на сон. Ја нарушува способноста за концентрирање, јасно размислување и паметење.
Студијата објавена во списанието Neuropsychiatric Disease and Treatment, покажа дека акутното лишување од сон влијае на вниманието и меморијата. Истото го прави и хроничното делумно лишување од сон. Целосното лишување од сон, исто така, нарушува многу когнитивни функции, пренесува Индекс.
