Социјалдемократската партија на Германија (СПД) и Христијанско-демократската унија ЦДУ/ЦСУ се договорија за датумот на предвремените парламентарни избори да се одржат на 23 февруари следната година, пренесоа во вторник германските агенции.
„Претставничките клубови на владејачките партии СПД, Зелените и Либералите и опозициската Унија ЦДУ/ЦСУ се договорија предвремените избори да се одржат на 23 февруари, а германскиот канцелар Олаф Шолц (СПД) ќе го постави прашањето за довербата во Бундестагот на 16 декември“, пренесуваат германските известувачки агенции повикувајќи се на извори во раководството на партиите.
Партиите му предложија 23 февруари на претседателот Франк-Валтер Штајнмаер, кој треба да го потврди тој датум.
Откако германскиот канцелар Олаф Шолц минатата среда го разреши министерот за финансии Кристијан Линднер (Либерално-демократската партија ФДП), растурајќи ја неговата владејачка коалиција на партиите СПД, Зелените и ФДП, започна дискусија за можниот датум за гласање доверба на владата во Бундестагот на тој начин предвремени избори.
Шолц најави дека има намера да побара гласање за доверба во средината на јануари, што демохристијанската опозиција го критикуваше како предоцна и инсистираше Шолц да го постави прашањето за доверба порано.
Според анкетите спроведени по распадот на владејачката коалиција, Унијата ЦДУ/ЦСУ (32 отсто) би освоила најмногу гласови, а по неа е Алтернативата за Германија (АфД) со 19 отсто. СПД би освоиле 15 отсто, а Зелените 11 отсто од гласовите.
Albanian
English
Macedonian
Turkish
