Кинеските власти денеска дополнително ги олеснија мерките против коронавирусот во неколку кинески градови, вклучувајќи ги Пекинг и Шангај. Во Пекинг, многу продавници повторно се отворија за време на викендот, а жителите од утрово можат да користат јавен превоз без задолжителен негативен резултат од PCR тестот.Во Шангај е укината мерката задолжително тестирање за пристап до одредени јавни места како паркови и туристички атракции.
Кина вчера пријави два смртни случаи од инфекција со коронавирус, но денеска властите регистрираа помал број заразени во споредба со претходните денови. Од 29.724 случаи на Ковид-19, повеќето се асимптоматски.
Причина за ублажување на мерките се и протестите на граѓаните незадоволни од рестрикциите што избија низ Кина минатата недела.
