Веројатно сте слушнале за неделна анксиозност; нервозата што многумина ја чувствуваат пред да започне уште една работна недела, а се чини дека ќе следи „опасен понеделник“.
Имено, според новото истражување презентирано на конференцијата на Британското кардиоваскуларно друштво (BCS) во Манчестер, сериозни срцеви удари најверојатно ќе се случат во понеделник.
Научниците не мислат дека тоа е случајност. Во ова истражување беше анализирана евиденцијата за хоспитализација на 10.528 пациенти кои претрпеле најтешкиот тип на срцев удар во последните пет години; по што научниците забележале значително зголемување на стапката на срцеви удари на почетокот на работната недела, со пораст од 13 отсто во понеделник, пренесува МБГ.
„Причината е веројатно мултифакторна; но врз основа на она што го знаеме од претходните студии, разумно е да се претпостави деноноќен елемент“, рече кардиологот Џек Лафан од Даблин во соопштението за печатот. „Како што можеби знаете, спиењето е неопходно за здрав организам; а неквалитетниот и недоволното спиење може да влијае на кардиоваскуларното и метаболичкото здравје“, додаде тој.
Одењето во кревет и будењето во исто време се клучни за одржување на регулиран деноноќен ритам, а кога распоредот на спиење е неправилен, нашето тело не знае кога да произведе мелатонин, хормонот кој сигнализира дека е време за одмор. Како резултат на тоа, деноноќниот ритам страда, особено во недела навечер, бидејќи вообичаено спиеме подолго или пократко за време на викендите отколку во текот на неделата, што последователно влијае на здравјето на срцето.
Иако срцевите удари може да бидат почести во понеделник, заштитата на здравјето на срцето е важна секој ден во неделата, а кардиолозите ги истакнуваат овие совети:
Регулирајте го вашиот деноноќен ритам
Обидете се да внесете време за спиење и будење во вашата рутина до кои ќе се придржувате. „Идеално, не треба да биде повеќе од еден час (или дури половина час) помеѓу будењето и станувањето, дури и ако е викенд“, вели натуропатската докторка за спиење Кетрин Дарли. „Ако ви треба дополнителен поттик за да заспиете навечер, обидете се да земате мелатонин како додаток во исхраната“.
Јадете многу омега-3 масни киселини
Важно е редовно да се консумира риба и рибино масло бидејќи истражувањата покажуваат дека омега во основа се синоним за здравјето на срцето и долговечноста. Од поддршка на здрави нивоа на триглицериди до подобрување на циркулацијата, овие здрави масти носат значајни кардиоваскуларни придобивки. Најдете додатоци на масло од црн дроб на треска кои се тестирани за чистота и имаат најмалку 500 милиграми (идеално, поблиску до 1.000 до 1.500 милиграми) EPA плус DHA масни киселини.
Изградете мускули
Истражувањата покажуваат дека редовното вежбање може да помогне во контролата на крвниот притисок, а една неодамнешна студија покажа дека мускулната маса на жените може да игра поголема улога за здравјето на срцето отколку нивните телесни масти или вкупната телесна тежина. Затоа, обидете се да вклучите вежби за сила во вашата рутина за вежбање.
