Најмалку 155 лица се полесно повредени во средата во судир на два воза на станица во Барселона.
Службата за итна помош на Каталонија соопшти дека три лица се пренесени во медицински центри, но дека ниту еден од патниците не се смета за сериозно повреден.
Шпанскиот државен железнички оператор Ренфе соопшти дека возот налетал на друг и го удрил одзади. Несреќата се случила на станицата Монкада и Реиксак во 7:50 часот по локално време, објави новинската агенција ЕФЕ.
Двата воза сообраќаат на приградската линија R4 на Ренфе, која моментално е затворена за железнички сообраќај, како и на две други линии – R7 и R12.
Властите започнаа истрага за да се утврдат причините за несреќата.
