Kaj една гуска лоцирана во езерцето во Зоолошка градина Скопје e утврдено присуство на болеста Авијарна инфлуенца „птичји грип“. Преземени се мерки за безбедност подади кои е извршено хумано убивање и нештетно отстранување на 24 патки, 6 гуски, 5 кокошки и една чавка, а градината ќе биде затворена 21 ден, соопшти Агенција за храна и ветеринарство (АХВ).
болеста е потврдена со лабораториско тестирање на угинатата птица, со лабораториски резултат од Факултетот за ветеринарна медицина – Скопје од вчера.
Со цел сузбивање на болеста и спречување на нејзино ширења надвор од зоолошката градина кај животните и кај луѓето, од Агенцијата нагласуваат дека е забранет влез и излез на животни од зоолошката градина, ограничено е движењето на луѓе (посетители) во зоолошката градина, наредени се мерки за дезинфекција, испитување на другите птици присутни во зоолошката градина за присуство на вирусот на Птичји грип, зголемување на биосигурносните мерки и други мерки, со цел сузбивање на болеста и спречување на нејзино ширења надвор од зоолошката градина кај животните и кај луѓето.
„Мерките ќе бидат на сила 21 ден, почнувајќи од денес за кој временски период и зоолошката градина ќе биде затворена за посетители. Последните случаи на појава на високопатогена авијарна инфлуенца беа во 2022 година, во населените места Градец, Лески и Виница, место Селце во општина Штип и во близина на Злокуќани, општина Карпош“, се додава во соопштението.
Авијарната инфлуенца или „птички грип“ е болест предизвикана од вирусот на грип/инфлуенца тип „A“ од фамилијата Orthomyxiviridae, која може да предизвика големи загуби во живинарската индустрија и ограничувања во увозот и извозот на живи птици и производи од живина. Дивите птици се познати како резервоари за вируси на птичји грип, главно од ниско патогени соеви затоа на глобално ниво се спроведуваат мерки за надзор, следење, појава и карактеристика на вируси на птичји грип кај дивите птици иако поголемото мнозинство на овие вируси не предизвикува болест.
Високопатогените соеви вирусот се патогени за живината, но како зооноза болеста може да се пренесе и на луѓето. Досега не е докажан случај на пренос на овој високопатоген сој од живина на луѓе иако е повеќе години во циркулација во земјите од ЕУ.
