Поранешните кошаркари Едина Муса и Александар Димитровски-Мачка во петокот, 29 ноември, направија свадба во еден познат скопски угостителски локал.
Убавата невеста во блесна во тесна венчаница со која го истакна трудничкиот стомак, додека младоженецот одбрал класичен црн костум.
На свадбената веселба меѓу гостите имало и многу познати личности. Меѓу нив биле и двете деца од првиот брак на Мачка, ќерката Хана и синот Дарен, кои ги доби со поранешната сопруга, поп пејачката Тамара Тодевска.
За тоа сведочи фотографијата која и самата Тамара ја сподели на своите Инстаграм приказни: „Спремни за кај тато на свадба“!
На свадбата за микрофонот се фатил и Дарко Гелев-Брејк кој на младите им го честитал бракот со баладата „Лебедот бел“ на групата „Нокаут“.
Инаку Едина и Мачка својата љубов ја обелоденија кон крајот на минатата 2023 година, со фотографија од дочекот на тогаш новата 2024 година во родниот град на Александар, Гевгелија.
