Настапот на фудбалската репрезентација на Македонија на синоќешниот контролен натпревар со Хрватска (0-3) разочара многумина. Поранешниот капитен на македонската репрезентација, Стефан Ристовски, со една фотографија објавена на Инстаграм, без зборови упати моќна порака и ги потсети фудбалерите како се гине за националниот дрес.
Ристовски во објавата сподели фотографија од еден од неговите настапи за репрезентацијата на која е со раскрвавена глава.
Македонската репрезентација на синоќешниот меч во Ријека беше убедливо поразена и надиграна од домашната селеција, одигра без мотивација, без пожртвуваност и борбеност.
