Поранешниот државен секретар на САД, Хилари Клинтон, се обидува да ги смени тезите кога ги обвинува Русија и претседателот на Русија, Владимир Путин за проширувањето на НАТО, изјави денеска портпаролот на Кремљ, Дмитриј Песков.
– Г-ѓа Клинтон е меѓу нас позната по нејзините обиди сѐ да преврти наопаку и да ги преврти тезите – рече тој.
Песков посочи дека што се однесува до редоследот на дејствијата на Владимир Путин, веројатно е неопходно да се потсети на Клинтон на бројните бранови на проширување на НАТО и приближувањето на воената инфраструктура на Алијансата до границата со Русија.
Според неговите зборови, претседателот на Русија упорно ги повикувал западните земји да разговараат за ова прашање и да го потпишат документот чиј нацрт е подготвен, но странските колеги одлучно одбиле да разговараат за што било.
– И тука станува сосема јасно која била причината за специјалната воена операција која се спроведува и продолжува – заклучи тој.
За време на вчерашниот говор во Стејт департментот, Клинтон ја исмејуваше загриженоста на Путин за проширувањето на НАТО, велејќи дека проширувањето на НАТО е последица на руската политика.
